Rumah Bunya ak Jawa

Kitai berandau pasal Rumah2 ari pengujong jalai...

Rumah panjai kami tu ke aba ujong jalai Enseluai ke diatu. Dulu menya semoa ke maioh agi rumah panjai ke bisi di menoa Sungai Enseluai bepecah ari Rumah Bujang ak Mulok. Ianya kena dalam ujong taun 1977 menya. Rumah tu suba panjai lalu aku enda nemu penyampau bilek ke bisi maia nya dia. Rumah panjai ke bepecah dulu nya di kumbai orang diatu Tembawai Tebang, laban setegal iya ke jampat pecah lalu bisi sekeda iya betebang ke tiang rumah diri. Setegal maioh enda setuju maia nya udah TR Bujang parai dia anak iya TR Simon ak Bujang deka nyadi Tuai Rumah.

Ari Tuai Rumah (TR) Bujang udah iya ke nyau parai suba dia meh rumah bepecah dua. Rumah ke baru nya di pegai TR Bali ak … Lalu rumah asal agi di kembuan sida ke tinggal sida tu sekira ke diri sebilek ke semak agi, lalu betuai ke TR Simon ak Bujang. Nyau udah ke bekau rumah asal nya di tiki bayak dia meh sida ketuai tadi berunding utai tu mali, lalu terus pindah ari Tembawai Tebang lalu bedampa.

http://www.tuanlokong.com/v2/album/leisure/images/My%20Longhouse/01%20Dampa%20Lama.jpg
Tu meh gaya dampa kami maia nya dia. Ditu Dampa kami betuai ke TR Simon. Lama gak kami diau ditu iya nya nyau deka lapan taun.
Kena taun 1983 lebih kurang dia deh pindah baru agai endor ke menyana agi.

http://www.tuanlokong.com/v2/album/leisure/images/My%20Longhouse/02%20Tapak%20Rumah%20Panjai%20Baru.jpg
Gambar entua aku, Tuai Rumah Joseph Rampieng sereta enggau anak aku dua iko Franklin enggau Florence.
Maia pindah ke tapak rumah ditu TR Simon enda nitih tang ninggal kediri bak dampa maia nya.

http://www.tuanlokong.com/v2/album/leisure/images/My%20Longhouse/07%20Dampa%20dua.jpg

Lama diri gak diau napak ke Dapur dedia, pengelama enda entu di keingat ke agi. Nyau kelama udah nya ianya TR Joseph Rampieng pen mati ngenyit ko orang ketuai mati nanjar. Enti diatu bak lutor iya di kumbai mati laban sakit jantung. Udah bekau iya ke mati laban nadai orang ke penuduk nyadi Tuai Rumah dia meh ka pen enda menantu iya ngambi nyadi Wakil Rumah panjai (Nya meh aku Tuan Lokong, maia nya bedau Tuan agi) kira nyau deka setaun.
Laban ke kerja aba menoa bukai lalu enda betuai ke bendal dia meh Tuai Rumah di serah agai Tuai Rumah Meringgai ak Julai (Iya bekerja bak Talikom, Sarikei).

http://www.tuanlokong.com/v2/album/leisure/images/My%20Longhouse/05.jpg

Rumah kami berubah ngagga Rumah besai lalu betuai ke TR Meringgai ak Julai. Van kami sebilek datai ari Bintulu, lalu benong ngentak bilek aku empu.

Sampai nyau kediatu rumah panjai asal tadi di tembu ke agi lalu maioh meh pemansang datai diberi Perintah ngena “Rancangan Menaik Taraf” enggau ari sida Opis Pengerai.

http://www.tuanlokong.com/v2/album/leisure/images/My%20Longhouse/09.JPG

Rumah Panjai kami kediatu, lalu iya ke aba tengah2 nya bilek aku empu.
Endur Rumah ianya di kumbai kami ditu “Tinting Emplam”

Baru dalam empat bulan lalu dia deh TR Meringgai pen parai ngenjit kena serang sakit jantong maia ngirup kopi aba kedai kopi di pasal Sarikei. Udah nya Tuai Rumah pen ditukar agai TR Bunya ak Jawa ke diatu. TR Bunya tu agi biak dalam lebih kurang 40an aja.
Rumah panjai tu manah amai ari segi penyauh ke pasar Sarikei benong pemanah iya 17km. Lalu api enggau ai nya bisi ari pasar magang2. Pili Bomba pen bisi, semina utai dikena di keluar kediri empu.
Dilengka ke aku ditu pasal Rumah Bunya ak Jawa ila kitai deka nemu jerita Rumah Panjai kebukai.